2025
2025 · 19.08.2025
D’Start Your Engine Treffen 2025 kënnt dëst Joer mat engem frësche Konzept: Op engem neie Site, perfekt fir Oldtimer an Youngtimer, gouf den Datum Mëtt August gewielt, fir dass d’Fans an d’Besëtzer hir Gefierer bei beschtem Wieder presentéiere kënnen.
Nieft den automobillen Highlights suergt e variéiert Museksprogramm mat verschiddene Concerten fir richteg Festival-Stëmmung. Mat Iessen, Gedrénks an genuch Plaz fir Austausch gëtt d’Erlebnis ofgerënnt.
2025 · 17.08.2025
Den 17.08.2025 ware mir beim LOF Oldtimer Breakfast bei Retromobile SA zu Ellange.
Am Kader vum Breakfast hunn sech vill Oldtimer an Youngtimer an der Industriezon agefannen. Fir déi richteg Stëmmung gouf mat Croissanten a Kaffi gesuergt, an d’Participantë konnten och en Abléck an den Atelier vu Retromobile SA kréien.
2025 · 16.08.2025
Den 16.08.2025 ware mir zu Steesel beim 15. internationale Meeting vun de Collectionneurs de Véhicules Militaires (CVM) am Centre de loisirs Norbert-Melcher.
D’Meeting huet sech iwwer dräi Deeg gezunn, wou d’Visiteuren déi impressionnant Gefierer bewonnere konnten an et och verschidde Verkafsstänn gouf.
2025 · 05.08.2025
Den 2. a 3. August 2025 huet sech Steesel mam Vintage Cars & Bikes erëm an e Paradies fir Oldtimer‑ a Youngtimer Fans verwandelt. Méi wéi 750 historesch Gefierer – vum Auto iwwer Trakter bis zum Moto – hunn um grouss Ausstellungsterrain tëscht Schoul a Kulturzentrum geblénkt. Héichpunkter wéi de Concours d’élégance, eng grouss Stécker‑ a Modellbörse souwéi Clubpresentatioune hunn vill Visiteuren ugezunn.
2025 · 26.07.2025
E Weekend am Zeeche vun den Hecktriebler – Opel-Feeling beim Schlass zu Suessem: Méi wéi 170 klassesch Opel hu sech dëse Weekend, den 26. a 27. Juli 2025, ronderëm Schlass zu Suessem versammelt. Beim 6. Internationale Opel Hecktriebler-Treffen.
2025 · 20.07.2025
De Sonndeg, den 20. Juli 2025, huet BK Concept Sàrl zu Foetz bei herrlechem Summerwieder op hiren éischte LOF Oldtimer Breakfast invitéiert . Vill Frënn vu klassesche Gefierer si der Invitatioun vun dëser jonker a dynamescher Firma nokomm.
2025 · 13.07.2025
De 13. Juli 2025 war zu Mondorf-les-Bains fir d’éischte Kéier den British Car Day, organiséiert vum British Sports Car Owners’ Club Luxembourg. Bei schéinem Summerwieder hu sech iwwer 150 britesch Oldtimer a Youngtimer um Terrain vum Domaine Thermal versammelt.
2025 · 29.06.2025
De 28. Juni gouf Kiercheplaz zu Beetebuerg zum Treffpunkt fir Oldtimer-, Youngtimer- a Sportautofans. Beim Grand Prix de Bettembourg, organiséiert vum Lions Club Amitié, sinn d’Gefierer am Kader vun engem relaxe Rallye duerch déi schéin Regioun gefuer – a mir ware mat der Kamera dobäi. D’Statiounen um Parcours hunn de Fuerer Geschéck ofverlaangt, mee virun allem vill Spaass gebueden.
2025 · 13.06.2025
Den Donneschden 12/06 war bei eisem Sponsor Atelier Nic Georges deen éischten Afterwork zesumme mat der LOF. Fir jidderee gouf et ee Patt fir näischt a fir Iesse war e Foodtruck op der Platz. Den Atleier Nic Georges hat sech vill méi ginn an all Oldtimer déi am Moment bei hinnen am Atelier sinn ausgestallt.
2025 · 18.05.2025
E Sonndeg, den 18. Mee 2025, huet sech de Parc zu Mäertert an en Treffpunkt fir Oldtimer- a Youngtimer-Fans verwandelt. Beim Oldtimerday, organiséiert vum Syndicat d’Initiative Mäertert a mam Käferclub Lëtzebuerg, gouf et fir kleng a grouss Visiteuren e flotten Dag mat villen schéine Gefierer. D’Evenement huet vill Visiteuren ugezunn, déi sech u flotten Autoe vu gëschter erfreet hunn. Nieft dem visuelle Genoss gouf et och e musikalescht Highlight:
Eis Sponsoren :
Offiziell Fotografen vun :
