2025 · 28.04.2025

Et war e liewege Sonnden zu Esch well de 27. Abrëll 2025 war ganz Stad am Oldtimer-Féiwer: Beim LOF Oldtimer Brunch, organiséiert vun der LOF an eisem Sponsor Maison de Coiffure et de Beauté ByTun, huet sech d’Uelzechtstrooss an eng richteg Ausstellung vu klasseschen Autoen a Youngtimer verwandelt.

2025 · 21.04.2025

Ouschtersonndeg den 20.04 war ab 11 Auer ganz Iechternach erëm an der Hand vun den Oldtimer a Youngtimer aus der Groussregioun. Wierder um Ouschterweekend huet och matgespillt esou dass nieft deene villen Oldtimerfuerer och ganz vill Visiteure profitéiert hu fir en Tour iwwert Maartplaz an Alstad vun Iechternach ze maachen.

2024 · 20.10.2024

Dëst Joer war dee lëschte Breakfast vun der Saison déi éischte Kéier beim Familljebetrib Lettrage Langehegermann zu Ehlerange. Et war ee wonnerschéine sonnegen Hierschtmoien a vill Oldtimer- a Youngtimerfuerer hu vun dëser Geleeënheet profitéiert fir sech an op ee gutt Früstück beim Tom, senger Famill a senge Mataarbechter ze treffen. Mir kënnen iech net genau soe weivill Gefierer do ware mee et waren der vill wei dir och op eisen Dronenfotoen kënnt gesinn.

2024 · 22.09.2024

De Retro-Mobile am Haneboesch zu Nidderkuer war och dëst Joer e vollen Erfolleg. De Sonnden 22.09 waren iwwer 300 Gefierer zesumme komm fir bei wonnerschéinem Wierder ee flotten Dag zesummen ze verbréngen. Den BMW Club Lëtzbuerg war souguer mat méi wei 20 Oldtimer a Youngtimer vertrueden.

2024 · 18.09.2024

Dëst Joer, de 15 September, huet den zweete Breakfast beim Marc Pesch s.a.r.l. an hirem Atelier zu Käerjeng op en neits fir Opmierksamkeet gesuergt. No dem grousse Succès vum vergaangene Joer, wou den Atelier fir d'éischte Kéier an e Breakfast gemaach huet, war d'Erwaardung héich – an och dëst Joer goufen d'Léit net enttäuscht.

2024 · 17.09.2024

Et ass elo 80 Joer hier, dass Beetebuerg no Joeren vun Ënnerdréckung d'Fräiheet erëmkritt huet. Den 11. September 1944 huet d'amerikanesch Arméi Beetebuerg befreit a fir dëst historescht Evenement ze gedenken, hat Gemeng Beetebuerg Militärween gefrot fir un de Festlechkeeten deelzehuelen, déi vum 13. bis de 15. September 2024 bei der Kierch zu Beetebuerg organiséiert goufen.

2024 · 16.09.2024

No enger Paus vu 4 Joer war dëst Joer endlech erëm den Us Car Festival zu Stadbriedemes. Op dem wonnerschéine Site laanscht Musel haten Road Runners de Weekend vum 14 a 15 September all amerikanesch Gefierer op e flotte Festival invitéiert. Den Entrée war gratis a Visiteuren a Participante krute vill gebueden:

2024 · 12.08.2024

Den 11 August war am Hafe vu Schwéidsbeng fir déi éischte Kéier den "Schengen Marina Classic Car Event". Zesumme mat der Gemeng Schengen huet den Nautic'Ham Classics by JPR Classic Car Events ee super flott Treffen organiséiert. Platz wou fréier ëmmer ee Camping war gëtt elo vun der Gemeng genotzt fir speziell Eventer ze organiséieren.

2024 · 08.08.2024

Et ass mëttlerweil bei jidderengem bekannt dass den éischte Weekend am August zu Stengefort de Vintage Cars & Bikes vun de Mechanical Freaks stattfënnt. Wierder huet dëst Joer den 3 a 4 August och matgespillt obwuel et Sonndes Moies op eisem Stand bëssen naass ginn ass. Op deenen zwee Deeg verdeelt waren ongeféier 600 Oldtimer um Site an och vill verschidde Verkafsstänn.

2024 · 30.07.2024

De Sonnden 28 Juli war zu Berbuerg déi zweet Editioun vum Classic Car Day Berbuerg. Ronderem de Centre Beaurepaire waren Oldtimer a Youngtimer ausgestallt. E puer Verkafsstänn a Catering hunn och net dierfte feelen. Eng 200 Gefierer waren den Dag iwwer do an den CVC Berbourg huet alles gutt organiséiert. Vill Spaass mat eiser Fotoreportage.