Classic Day Schëtter 2026 – Oldtimer, Emotiounen an eng Kuliss wéi aus engem Film
De leschte Weekend huet sech Mënsbech nees an ee richtege Treffpunkt fir Oldtimer- a Youngtimerfrënn verwandelt. De Classic Day Schëtter 2026 huet dëst Joer an enger besonnesch eleganter Kuliss stattfonnt: beim Château de Munsbach. An dëse Site hätt kaum besser kënne passen. Tëscht alen Beem, historesche Maueren an enger entspaanter Atmosphär hunn d’Gefierer genau dat kritt, wat se verdéngen: eng Bühn, op där Geschicht, Design an Technik zesummekommen.
Besonnesch impressionnant war dëst Joer d’Villfalt u Gefierer. Nieft ville private Klassiker konnten d’Visiteuren och richteg aussergewéinlech Modeller bewonneren. Ënnert den Highlights waren ënner anerem de Chrysler Imperial Landau vun der Grande-Duchesse Charlotte, de Jaguar MK2 vum Prënz Félix an eng aussergewéinlech Bugatti Type 35 aus dem Joer 1934. Sou Gefierer gesäit een net all Dag – an nach manner an esou enger nobeler Kuliss.
Nieft de ville flotten Autoe war virun allem déi gemittlech Atmosphär ee grousse Pluspunkt. Iwwerall gouf gekuckt, gefachsimpelt a sech mat anere Klassikerfans ausgetosch. Genau dat mécht esou Treffen aus: schéin Autoen, gutt Gespréicher a gemeinsam Passioun.
Och mir vun Old-Rides.lu waren um Classic Day Schëtter dobäi an hunn eis natierlech e puer flott Impressioune matbruecht.
Vill Spaass beim Kucken!
